Publicado el 05 de julio de 2006
La decisión del Ayuntamiento de Donostia de ubicar la planta incineradora de residuos de Gipuzkoa en Igoin Azpi (Landarbaso) ha puesto en pie de guerra a Errenteria, municipio colindante y muy vinculado a ese entorno natural. Los corporativos de esta localidad de Oarsoaldea aprobaron el 30 de junio una moción en la que muestran su oposición, pero que no acalló las protestas de la multitud congregada en el Salón de Plenos. Numerosos vecinos tomaron la palabra para «leer la cartilla» a los políticos, especialmente al alcalde, Juan Carlos Merino (PSE-EE), y al concejal de EA Luis Mari Oiarbide (a su vez diputado foral de Desarrollo Sostenible). Les exigieron mayor contundencia contra la incineradora de Landarbaso y exhibieron carteles de rechazo a ese tipo de planta en cualquier lugar de Gipuzkoa.
Errenteriar ugari eta, oro har, Oarsoaldeko bizilagun asko haserre eta kezkatuta daude Donostiako Udalak bere lurralde eremuan dagoen Landarbason (Errenteriarekin mugan) zabor erraustegia eraikitzea erabaki duelako. Larritasun horren erakusle dira ekainaren 29an Herriko Plazan izan zen protesta kontzentrazioa eta ekainaren 30eko udal osoko bilkuran hainbat herritarrek egin zituzten adierazpenak.
Donostiak bere asmoa azaldu zuenetik Errenteriako Udalak iritzi argirik plazaratu ez bazuen ere, ekainaren amaierako plenoan Landarbason zabortegia kokatzeko asmoari «erabateko kontrakotasuna» agertu zion eta bere erabakia «berriz hausnartzeko» eskatu zion Donostiako Udalari. PSE-EE, EA, EAJ eta EBren aldeko botoekin onartu zen mozioa, eta PP abstenitu egin zen.
Ezker Batuko bi zinegotziak izan ziren errausketa-sistemaren aurka agertu ziren bakarrak. Beste alderdiek ez dute azpiegitura hori Landarbason nahi, eremu horren ezaugarri naturalak direla eta, zein San Markosen zabortegia jasanez Errenteria «hamarkada luzez nahikoa solidarioa izan delako», baina ez dute errausketa sistema bera zalan-tzan jartzen. Errenteriako zinego-tzi izanik Foru Aldundiko Garapen Iraunkorreko diputatu ere baden Luis Mari Oiarbidek iritzirik ez ematea eta abstenitzea erabaki zuen, betetzen duen kargu bikoitz horren baitan eta Landarbasoko kokapenaren azterketa guztiak ezagutu arte.
San Markos Plataforma, SOS Añarbe, Errenteria-Orereta Bizirik eta Aralar-en eskutik zetorren bigarren mozio batekin, berriz, ez ziren bat etorri udal zinegotziak, Ezker Batuaren salbuespenarekin. Idatzi horrek errausketa-sistema beharrezkoa ez dela defendatzen zuen.
Edonola ere, udal ordezkariek hartutako erabakiak alde batera utzita, herritarren iritziak nagusitu ziren plenoan. Hainbat eta hainbat partikularrek zein elkarteetako kidek hartu zuten hitza, politikarien jarrera salatzeko.
Herritarren ahotsa
Besteak beste, Landarbasoko erraustegiari Udalak azaldutako ezezkoa herriaren presioak eragin duela esan zuten eta ezezko «biguna» dela azpimarratu zuten. «Zer egin behar duzu, Merino, Elorzak Landarbasoko asmoarekin aurrera jarraitzea erabakitzen badu?», galdetu zioten alkateari eta honek «legalki» ezer egiterik ez duela erantzun zuen. Gainera, errausketa-sistemaren inguruko erreferenduma eskatu zuten zenbaitek, «benetako eztabaida hor dagoelako eta ez kokapenean».
Bestetik, errenteriarrek ez dute ulertzen herriko politikariek zergatik ez duten zuzenean hitz egiten Donostiako beren alderdikideekin, ezezkoa erakusteko. «Donostiakoek ziria sartu dizuete Errenteriako politikariei», esan zieten. Luis Mari Oiarbideri kargu bikoitzaren babesean «ez ezkutatzeko» exigitu zioten.
Zer da hau? ¿Qué es esto?
